Home

गौरप्रेम दास हे एक अतिशय अभियांत्रिकी क्षेत्रात उच्चशिक्षित असून आणखी लेखक, कथाकार, कीर्तनकार आणि उत्तम वक्ते म्हणून प्रसिद्ध आहेत. सनातन शास्त्राचे कालातीत असणारे ज्ञान व्यावहारिक आणि सुलभ बनवतात. वैदिक ग्रंथ आणि संतसाहित्य सर्वांना समजेल अश्याप्रकारे समजावून सांगतात. ते सर्व वयोगटातील आणि विविध प्रेक्षकांसाठी सखोल शिकवणी सुलभ करतात. त्यांची पुस्तके, अभ्यासक्रम आणि व्याख्याने हजारो लोकांना प्रेरणा देतात.
        परमपूज्य लोकनाथ स्वामींचे समर्पित शिष्य, जे इस्कॉनचे संस्थापक-आचार्य ए.सी. भक्तिवेदांत स्वामी प्रभुपाद यांचे शिष्य आहेत, गौर प्रेम दास हे समाजात भागवत धर्माच्या शिकवणींचा प्रसार करण्यासाठी वचनबद्ध आहेत. मुलांवर उत्तम संस्कार होण्यासाठी मूल्यवर्धन आणि एकादशीची संपूर्ण शास्त्रीय माहिती देणारे एकादशी प्रताप या दोन ग्रंथाचे लेखन गौरप्रेम दास यांनी केले आहे.
        मूळतः यांचे गाव बुलढाणा जिल्ह्यातील लोणार तालुक्यातील एक छोटेसे उदनापूर नावाचे खेडे आहे. अभियांत्रिकी क्षेत्रात पदवी पूर्ण करून काही काळ शैक्षणिक क्षेत्रात कार्य केले. पंढरपूर येथील इस्कॉन संस्थेत विद्यार्थी जीवन व्यतीत करून अनेक वर्षे सेवा केली. महाराष्ट्राचे आध्यात्मिक माहेरघर असणाऱ्या पंढरपूरात राहून वैदिकसाहित्यांचा प्रचार-प्रसार करीत आहेत. विशेषता गुरुकुल पद्धतीचा अनुभव करून तेथे विद्यार्थ्यांना ज्ञान देण्याचे कार्य करीत आहेत. वारकरी संप्रदायाशी विशेष लगाव असल्यामुळे वारकरी कीर्तन पद्धतीही शिकले आहेत.